CLICK HERE FOR BLOGGER TEMPLATES AND MYSPACE LAYOUTS »

2008-02-26

Hikbi ng Payatas




Pulutin mo
O! munti kong anghel
ang mga pangarap na pilit mong hinahabi
dito sa kandungan kong tigib ng pighati.

Hanapin mo
sa naaagnas kong bisig
ang tinatanaw mong bukas.
Baka sakaling di pa ito
tinatangay ng mabahong hangin...
kasama ng nagliparang papel
na di na masasayaran pa ng pudpod mong lapis.

Kalkalin mo
ang katuparan ng kanilang pangako;
baka-sakaling makalahig mo ito
mula sa nakabalot na dumi ng tao,
na tila utot na nililitanya
ng mababahong bibig ng mga pulitiko.

Silipin mo
ang kalayaan mo mula sa gutom.
baka-sakaling nasa loob
ng kahon ng mga sapatos
na hinihimlayan ng naaagnas na fetus,
ang pagkaing sa iyo'y magpapabusog.

Langhapin mo
ang hanap mong karapatan.
baka-sakaling ituro sa iyo
ng usok na pumapailanlang...
o ng umaalingasaw na bangkay
nina ate at kuya na pilit nilang tinabunan;
dito...dito sa humihikbi kong sinapupunan.
(silang mga tinaniman ng punglo
upang di na pangarapin kailanman
ang kinabukasan para sa iyo na pilit nilang isinisigaw)

Ipunin mo
O’ pagod na anghel…
sa inuuod na sako ng iyong kamusmusan
ang basag na bote ng iyong mga pangarap
ang kumakalansing na lata ng iyong pagkabigo…
ang nadurog na garapon ng paslit mong mga ngiti.

Isakay mo…
sa pamamagitan ng naglalangib
at sugatan mong palad
ang lahat mong agam-agam at mga bagabag...
sa nanlilimahid na kariton
ng kawalang-katiyakan at madilim mong bukas.

Itulak mo...
itulak mo papalayo ang lahat mong hinanakit
sa lipunang ito na wala ng malasakit.


This is an original poem of Mr. Oliver Carlos, please feel free to visit him for many more poems. His talent is extraordinary. He is presently working in Russia but can truly blog about Filipino issues. He is a good friend and an advocate of a better Philippines.
I am posting his piece for I want to spread the country his insights on environmental concerns.

5 REACTION:

Anino said...

Magandang araw,Ginabeloved.
Nagustuhan ko din itong tula na ito ni VPL!

I Love Philippines Too said...

Wow! Nakakabagabag damdamin naman ito!

Buti nalang habang pinopost mo to di ka inatake.. I know how you treat with seriousness these kinds of issues... hay naku fwend... take care of your heart specially now that the political situation there is so hot.

ginabeloved said...

this poem left me a teary eyes (sigh)

Magari said...

your making me wish I knew more than a single language.

aL|e said...

oh my! i can't imagine living my life sa ganong sitwasyon..! :( nakakalungkot na merong mga taong ganun ang kalagayan... T_T

Related Posts with Thumbnails